لو كنت فاكر

لو كنت فاكر الريد كدة ياسيدي فهمك غيرو...
الريدة اكبر من كلام ولو كان حديث ما تكترو ..
اللهفة ما كلمات ورق عنوان كبير بنسطرو ...
الشحدة ما بتخلق حنين و الاهتمام ياخ ما بشترو ...
الريدة اكبر من حكى وفر كلامك وقصرو ...
الريدة انسام من خريف تسكن قلب و تعطرو ...
تبقى للتايه ملاذ ضلآ جميل بسترو ...
طلعت ما قدرو الغرام لا عيونك الحلوين الخاينين طرو ...
الليله فارقتو المعاك سلطان غرامك تنكرو ...
حلفتا بي ايمان قسم قلبي الحداك لو أخسرو ...
بكتب على درب الهوى لو معاك انا بقفلو .. لو معاك انا بقفلو