الطيب خليفه _ شاعر كردفان

العسل مصفى من شفايفك دفّق
و الشعب المشاهد ليكي يهتف و صفّق
يا مولاي بي ريدها و حنانها أتوفق
أمّن خوفي بتومي البريده أترفق
قال الطيب يفخر بقبيلة المجانين عندما حدثت بعض المواقف في المزروب:
نحن الكرم بالحق ورثناه وراثه
و نحن جدودنا أشبال الأسوده شراسه
ولدنا العزة هيله، من قديم ميراثه
ما بتلاقى في الفرس البلولح راسه
و في موقف آخر عندما قام أحد الشباب بدور بطولي، مدحه الطيب بقوله:
يا التلب اللزوم فيك الحُمُول مركوكه
في لعب الصِفاق و الفراغه ما بلقوك
ليك يوماً رجاله صقور ووقفت رُوكه
دايرنك تسوق الطلقه فوق الشوكه